Amparan Tatak, Wadai Bahari nang Jadi Kabanggaan Urang-Urang Banjar!

Amparan Tatak, wadai khas Kalimantan Selatan (Pinterest/Topwisata.info)

KALSEL – Amparan Tatak tuh wadai basah bahari khas Banjar, Kalimantan Selatan, nang sudah jadi bagian budaya kuliner urang-urang disini dari rasa manis-gurih, hasil campuran antara pisang lawan adonan santan bertekstur lembut, rasa ada nang meleleh di ilat.

Selain nyaman, wadai nih jua beisi nilai historis dan budaya saurang di balik kenyamanannya, mulai dari sejarah, bahan utama, sampai perannya dalam tradisi Banjar. 

Bahari, Amparan Tatak tuh hidangan khusus gasan bububan bangsawan Kerajaan Banjar lawan Daha supaya kalihatan jabatannya nang tinggi. Tapi imbah waktu balalu, Amparan Tatak baubah dari hidangan elit jadi wadai nang dinikmati sebarataan urang, sampai jadi kambang desa di pasar bahari nang harga nyaman haja (Rp1.000–Rp5.000 pertatakan).

Baca juga: Wadai Khas Banjar: Teman Setira untuk Setiap Suasana Hati

Ngaran "Amparan Tatak" itu dari bahasa Banjar, dimana "amparan" bararti lapisan nang dihamparkan, dan "tatak" bararti ditatak-tatak. Nah itu tuh merujuk ke cara penyajiannya nang berlapis lawan ditatak halus-halus sabalum dirasai

Istimewanya dari wadai Amparan Tatak itu ada juwa di gabungan rasa manis dari pisang, nang biasanya jenis pisang tanduk atau pisang raja, lawan gurihnya santan kalapa. Teksturnya lembut banar lawan balapis, imbah tu di bawah serancak diandaki tatakan pisang pisang lawan bagian atas nang kada benapa-napa.

Wadai nih ada juwa kaliatan nang menarik—dari warna putih barasih ditambahi colekan kuning dari pisang, rancak dihiasi lawan daun pandan gasan baunya supaya hanyar kaitu nah.

Baca juga: Rahasia Kenikmatan Amparan Tatak: Kudapan Manis Khas Banjar

Bahan Utama lawan Proses Maulahnya

Bahan dasar Amparan Tatak itu ada:

• Tapung baras
• Santan kelapa
• Gula
• Pisang (tanduk, raja, atau kepok)
• Garam dan vanili untuk penyeimbang rasa

Cara maulahnya itu ada dari mangukus bagamatan:

• Lapisan bawah: Adonan dicampur pisang, dikukus satangah masak.
• Lapisan atas: Adonan polos dituang di atasnya, dikukus sampai masak.
• Imbah dingin, wadai ditatak rapi sabalum disajikan.

Panyajiannya di tatak rapi pakai lading nang di bari minyak supaya kada merikit. Hidangkan di atas daun pisang atau piring bungas lawan hiasan pandan.

Baca juga: Jelajahi 10 Kuliner Khas Kalimantan Selatan yang Wajib Dicoba

Ada kapercayaan bahari bila wadai ini kada boleh diulah lawan wanita nang lagi haid, gara-gara diyakini pacang mamangaruhi jadinya.   

Amparan Tatak tuh warisan makanan Banjar nang kaya di sejarah, rasa, lawan makna budaya. Dari hidangan bangsawan sampai wadai rakyat, kanyamanannya tatap tahan dan jadi kabanggaan urang-urang Kalimantan Selatan. Ayo nah tarus kita lestarikan wadai bahari ini supaya kada tergerus zaman.